Fasiliteite en Infrastruktuur

Mikrobiologie word in twee seksies van die J.C. Smutsgebou gehuisves. Blok A huisves die agt navorsingslaboratoria, sowel as die verskilllende sentrale toerustingslaboratoriums vir studies in die klassieke- en molekulêre mikrobiologie. Blok B sluit die fasiliteite vir die voorgraadse- en honneurs praktiese klasse in. Die Departement het ‘n toegewysde Honneurslaboratorium vir 16 studente, uitgerus met die meeste van die toerusting wat benodig mag word vir die praktiese klasse. Die Honneurs navorsingsprojekte word uitgevoer in goed toegeruste laboratoria met ander noodsaaklike toerusting in sentrale of nabygeleë laboratoria. Ahangende van die aard van die navorsingsprojekte, kan fasiliteite van ander Departemente op ‘n ad hoc-basis gebruik word. Al die studente het toegang tot rekenaars, in beide hul navorsingslaboratoria, die toegewysde Honneurslaboratorium en via die sentrale fasiliteite te NARGA en die J.S. Gerickebiblioteek. Rekenaarondersteuning word gebied deur die afdeling Informasietegnologie by die US, terwyl biblioteekondersteuning hoofsaaklik deur die fakulteitsbibliotekaris gebied word. Veskeie sagtewareprogramme is beksikbaar by die Departement vir dataontleding, terwyl gesofistikeerde dataontleding uitegekontrakteer word na die Sentrum vir Statistiese Analise.

Die laboratoriumgebaseerde rekenaars word deurlopend opgegradeer, die meeste waarvan direkte toegang tot drukkers en die internet bied. Biblioteek- en elektroniese hulpbronne van die navorsingslaboratoria is dus direk toeganklik met die verdere moontlikheid om inltiging van die biblioteek self te verkry. Die meeste van die navorsingsjoernale, toepaslik vir die verskeie navorsingsaktiwiteite is beskikbaar in óf ‘n harde-, óf ‘n elektroniese formaat, óf via gratis internettoegang.

Laboratoria

Die molekulêre biologie navorsing word op die derde vloer van die J.C. Smutsgebou gedoen. Hierdie fasiliteite sluit in agt moderne nagraadse navorsings laboratoria, elkeen met sy eie waskamer. Ander fasiliteite sluit in ‘n water suiwerings kamer, ‘n analietiese laboratorium, ‘n koue laboratorium (8°C), 2 instap yskaste (4°C), ‘n instap vrieskamer (-20°C), so wel as drie inkubasiekamers (26, 30 and 37°C). Die Departement het ook toegang tot die gebruik van ‘n transmissie en skandeer elektron mikroskoop, ES massaspektrofotometer en ‘n DNA volgorderbepaler in die gebou(Sentrale Analitiese Fasilitieite).

Die Departement het die volgende moderne navorsingsapparaat beskikbaar:

Opleiding
Die opleidingsfasiliteite vir voorgraadse studente is op die derde vloer van die J.C. Smutsgebou se B-blok. Dit bestaan uit ‘n honneurs/voorgraadse laboratorium, instap inkubasie kamers, instap yskaste, innokulasie kamer en voorbereidings laboratoria.

Konferensiekamer (A307)
Dit kan 12 persone huisves. Daar is ‘n oorhoofse en data projektor en ‘n witbord beskikbaar.

Honneurs lesingsaal (A309)
Dit kan 49 persone huisves. Daar is toegang tot ‘n netwerk rekenaar, ‘n dataprojektor, ‘n oorhoofse projektor, ‘n witbord en data projektor.

Volledige departementele chemikalie lys
'n Volledige alfabetiese lys van alle chemikalie wat in die departement beskikbaar is HIER beskikbaar.