The amazing tax race
Stellenbosch Thuthuka verwelkoming
Thuthuka Gebeure

Spanbou
Jaarlikse prysuitdeling 2010
Reknuus

The amazing tax race 2011

Die belastingafdeling van die Departement Rekeningkunde het op 6 Mei 2011 die eerste ‘Amazing Tax Race’ vir BRek-studente aangebied. Tweede- en derdejaar BRek-studente wat Belasting as vak neem het in spanne teen mekaar meegeding in ‘n resies teen tyd wat gebaseer is op die konsep van die realiteitstelevisiereeks ‘The Amazing Race”.

Spanne het almal by ‘n gemeenskaplike punt (voor die Van der Sterr-gebou) weggespring en het leidrade ontvang wat hul na verskillende bestemmings regoor Stellenbosch-kampus geneem het.  Elke span is vergesel deur ‘n belastingdosent verbonde aan die Departement Rekeningkunde. By elke bestemming moes spanne aan ‘n aktiweiteit deelneem wat op ‘n kreatiewe en praktiese wyse geïntegreer was met die belasting vakgebied. Spanne het byvoorbeeld paspoorte ontvang en moes op grond van paspoortstempels die inwonerstatus van belastingpligtiges bepaal. By ander punte moes spanne pille tel, sleutels vir slotte soek, woorbouspeletjies voltooi en foto’s van belastingspesialiste met hul name koppel.

Elke bestemming was geborg deur bekende rekenmeesters en ouditeursfirma’s naamlik: Bass Grordon, Deloitte, Grant Thornton, Greenwoods, Horwath, KPMG en Tenk Loubser. ‘n Tweedejaarspan (naamlik ‘TAXed to the Max’) het stof in die ander spanne se oë geskop en as wenners van die resies uit die stryd getree. Die tweede en derde plek was geneem deur twee derdejaarspanne (naamlik: ‘The STARS’ wat tweede was en ‘The Taxanator’ wat derde was).

Wenners het groot pryse vanaf die rekenmeesters en ouditeursfirma’s ontvang. Lede van die wenspan het nie net iPods ontvang nie, maar ook elk ‘n boekprys losgeslaan waar die uitgewer LexisNexis ‘n gratis belastingwetgewinghandboek aan die begin van 2012 aan die wenners sal oorhandig. Dit was ‘n dag vol spanwerk, leer en studente pret. Gebaseer op die sukses van die resies word daar beoog om die ‘Amazing Tax Race’ ‘n jaarlikse instelling te maak en studente van alle departemente word nou al uitgenooi om volgende jaar se resies te ondersteun.  

Terug na bo

Stellenbosch Thuthuka verwelkoming

Thuthuka is 'n transformasie-inisiatief van die Suid-Afrikaanse Instituut van Geoktrooieerde Rekenmeesters (SAIGR) wat daarop gemik is om voorheen benadeelde leerders in skole aan te moedig om 'n loopbaan in die geoktrooieerde rekenmeestersveld te volg. Die Departement Rekeningkunde fokus veral op Afrikaanssprekende studente uit die bruin bevolkingsgroep en het vanjaar sy eerste inname van 20 eerstejaar BRek Thuthuka studente in die program. Verwelkoming vir studente en ouers is gehou op 25 Januarie 2007. Die verwelkoming was ook bygewoon deur Me D van der Merwe (SAIGR: Projekdirekteur van die Thuthuka Beursfonds) en die SAIGR se Thuthuka projekspan.

Departementele spanbou

Die Departement se Blouspan het vir die 2de jaar met die louere weggestap met die Volleyball-kompetisie tydens die Fakulteit se spanboudag.

Terug na bo

Jaarlikse Prysuitdelingsfunksie

Op 28 September 2010 is die Departement se jaarlikse prysuitdeling, geborg deur KPMG, in Die Stal gehou.
Lys van pryse, pryswenners en prysborge volg.

KPMG PRYSWENNER
Megan Zeelie, Dylan Barron (KPMG)