Vennootskappe, alliansies, verhoudings en borgskappe

Wingerd- en Wynkunde (DWW) & Instituut Wynbiotegnologie (IWBT)

DWW

Op internasionale vlak was dr G Barbeau van INRA in Frankryk medepromotor vir Victoria Carey se PhD-proefskrif en was daar samewerking met die Katolieke Universiteit van Leuven (België) oor hiperspektrale aardwaarneming. Op nasionale vlak is ʼn navorsings­projek saam met De Toren Wines van Stellenbosch oor multispektrale beelde van wingerde gedoen. Navorsing op suurstoftoevoegings in wyn is ook gedoen met ʼn PhD-student van die Universiteit van Ljubljana, Slowenië.

(1) Nasionaal
‘n Navorsingsprojek word in samewerking met die Departement Geografie en Omgewingstudies van die Universiteit Stellenbosch uitgevoer.

(2) Internasionaal
Prof E Vaudour (UMR INRA/INA Paris-Grignons) is medewerker saam met dr V Carey op ʼn Thuthuka-befondsde projek. Dr V Carey was vir drie maande as Erasmus Mundus-befondsde besoekende dosent by die Vintage Internasionale Meestersprogram by Ecole superieure d’Agriculture d’Angers in Frankryk.


Instituut Wynbiotegnologie (IWBT)
Hier is ʼn lys navorsingsvennote en -fokusse:


(1) Nasionaal
Navorsingsprojekte in samewerking met die Departemente Genetika, Mikrobiologie en Wingerd- en Wynkunde, Universiteit Stellenbosch; Departement Biochemie en Mikrobiologie, Rhodes Universiteit; Departement Sellulêre en Molekulêre Biologie, Universiteit Kaapstad; Landbou Navorsingsraad - Infruitec/Nietvoorbij, Stellenbosch; Suid-Afrikaanse Suikernavorsingsinstituut; Distell; en Elsenburg Landboukollege.


(2) Internasionaal
Die Universiteit van Kalifornië, VSA (die verbetering van estervorming in gedistilleerde produkte); Forschungsanstalt Geisenheim, Duitsland (die raming van die risiko’s m.b.t. die vrylating van GM-giste in ʼn biologies-afgesonderde kweekhuis); die Australiese Wynnavorsingsinstituut, Adelaide, Australië (die ontwikkeling van ʼn geneties-gemerkte gisras vir risikobepalings vir GM-gis; navorsing oor rooiwyntanniene); Universidad de Castilla La Mancha, Spanje (die ontwikkeling van wyngisrasse wat aromavrystellende ensieme tydens wyngistings uitdruk); Pontificia Universidad de Chili, Chili (die analise van genoomwye transkripsie van wyngisrasse tydens wyngistings); Katolieke Universiteit van Leuven, België (die ontwikkeling van wyngis wat voldoende flokkuleer en met verhoogde fruktose-inname om gestaakte en/of slepende gistings te verminder; antifungiese peptiede wat gebruik kan word om die plant se natuurlike verdedigingstelsel te verbeter); Institut für Hygiene und Toxikologie, Duitsland (die identifikasie en beheer van wynbederfmikroörganismes); Universiteit van Bordeaux, Bordeaux, Frankryk; Instituto Agrario San Michele all’Adige, Italië; Universität Roviri i Virgili, Tarragona, Spanje; Universiteit Lund, Swede; Switserse Wynnavorsingsinstituut, Wädenswil, Switserland; Departement Wingerd- en Wynkunde, Universiteit van Kalifornië, Davis, VSA; Complex Carbohydrate Research Center, Athens, VSA; Universiteit van Toronto, Kanada (die raming van die risiko’s verbonde aan die vrystelling van GM-giste m.b.v. biofilms); Universiteit van Cuyo, Mendoza, Argentinië; Universiteit La Sapienza, Italië (die poligalakturonase-inhiberende proteïene wat in die natuurlike verdedigingstelsel van plante teen swampatogene betrokke is); Centrum Gruene Gentechnik, Duitsland (genetiese transformasietegnieke en -toepassings); en die CSIRO Plant Industry, Australië (die analise van suikervervoer in die wingerdstok).

Borge: Wingerd- en Wynkunde (DWW) & Instituut Wynbiotegnologie (IWBT)/
Viticulture and Oenology (DVO) & Institute for Wine Biotechnology (IWBT)
DWW/DVO
Anchor Yeast; Bayer Crop Science; Columbit; Journey’s End; KWV; Lafford; Lallemand; Neethlingshof Landgoed/Neethlingshof Estate; Perdeberg Wynkelder Koöp/Perdeberg Winefarmers’ Co-op; Protea Chemicals; Simonsvlei Internasionaal/ Simonsvlei International; Terason; Voor-Groenberg Kwekery/Voor-Groenberg Nursery; Winetech

IWBT
Anchor Yeast; Lake International; Lallemand