Plantpatologie

Plantpatologie Die Departement het op nasionale en internasionale vlak ’n groot verskeidenheid samewerkingsooreenkomste. Nasionaal sluit dit in samewerking met die Sagtevrugte Produsente Trust (SPT) (fitosanitêre patogeenlyste vir sagtevrugtegewasse); die Departement van Landbou (patogeenlyste van sagtevrugtegewasse); Plantkwarantyn Dienste op ’n ad hoc basis (kwarantynpatogene); Landbounavorsingsraad (LNR) Infruitec-Nietvoorbij (wingerdnavorsingsprojekte); Forestry and Agricultural Biotechnology Institute (FABI), Universiteit van Pretoria (karakterisering van Ceratocystis isolate; piesangsiektes en “pitch canker” van dennebome); AlternaFruit (identifikasie van patogene op alternatiewe vrugtegewasse); die LNR-Instituut vir Graangewasse en Instituut vir Plantbeskerming (toksienproduserende Fusarium spp. in mielies en koring); Elsenburg Landbou Kollege (Fusariumsiektes van koring); SAB Miller (Bestuur van Fusarium kopvrot op gars); iThemba Laboratorium, Stellenbosch (mutasie-teling van mielies); Kaapstad Universiteit (genetiese manipulasie van mielies). Op die internasionale vlak is daar samewerking met CBS, Nederland (karakterisering van wingerdstamsiektepatogene); Lincoln University, Nieu-Seeland (karakterisering van Cylindrocarpon isolate); Departement van Botanie en Plantpatologie, Oregon State University, VSA (die “Fungal Tree of Life” (AFTOL) projek); Skool van Botanie en Soölogie, Australian National University, Australië (karakterisering van Plasmopara viticola en Phytophthora populasies in Suid-Afrika); USDA-ARS, Wenatchee, VSA (die rol van Pythium en Phytophthora in die agteruitgang van wingerde, asook die etiologie van appel-herplantsiekte in Suid-Afrika); Departement van Plantpatologie, Cornell University, VSA (die stabiele transformasie van Phytophthora spesies); Departement van Botanie en Plantpatologie, Oregon State University, VSA (die etiologie van appelkernvrotsiektes); Plant Navorsing Internasionaal, Wageningen, Nederland (toksienproduserende Fusarium spp. in mielies); Bonn University, Duitsland (plantverbetering met endofiete); Bioversity International, NARO (Uganda) en ISAR (Rwanda) (beheer van Fusarium verwelking van piesangs in Afrika); Genetwister, Wageningen, Nederland, (genetiese manipulasie van mielies); International Institute for Tropical Agriculture, Nigerië en Uganda (Plant Health for Africa); Bioversity International, Frankryk, Die Fillipyne en Uganda (Fusarium verwelk van piesangs); University of Bonn, Duitsland (bio-verbetering van piesangs).