Christen Vigsburo ~ MIV/vigs: Kerke, kanale van Hoop

Webblad: http://www.cabsa.co.za/newsite/index.asp

* Ds Nelis du Toit van die Christen Vigsburo stuur sover moontlik 'n weeklikse e-pos met 'n wenk vir die erediens aan leraars wat die leesrooster gebruik. Om in te teken, stuur 'n e-pos aan management@cabsa.co.za. Die wenk is ook beskikbaar in Engels op versoek. ‘n Databasis van vorige wenke is beskikbaar onder “Database”
Is MIV/vigs nie dalk een van die grootste uitdaging wat die Here nog vir sy kerk gegee het nie? Tog is die situasie tans nog so:
* Gemeentelede staan nog afsydig en veroordelend.
* Sommige leraars en gemeenteleiers besef die nood, maar weet nie hoe om daarop te reageer nie.
* Baie gemeentes is nog nie plekke waar mense wat MIV+ is, tuis voel nie.
* Sommige lidmate wat direk geraak is, het nog nie die vrymoedigheid om te praat nie.
* Gemeentes wil uitreikaksies beplan, maar weet nie waar op te begin nie.
 
(1) Werkseminaar vir leraars en gemeenteleiers
Tydens ’n werkswinkel oor twee dae kry leraars en gemeenteleiers die geleentheid om nader te kom aan die vigspandemie. Benewens die meer as basiese inligting, ontwikkel deelnemers ook insig in die emosionele, psigies, fisiese en geestelike behoeftes van mense wat met MIV/vigs leef. Moeilike kwessies wat Christene na aan die hart lê, word deeglik bespreek, en wenke vir die moblilisering van gemeentes word met mekaar gedeel. Hierdie werkswinkel word in die week aangebied, sodat leraars dit kan bywoon.
 
(2) Werkseminaar vir gemeente Vigsdiensspanne of aksiekomitees
Hierdie werkswinkel word oor ’n naweek aangebied, en kan 20-30 persone akkommodeer. Die inhoud stem baie ooreen met dié vir die leraars en gemeenteleiers, maar fokus op die beplanning van eie gemeentelike aksies. Indien moontlik word besoeke aan instellings waar mense met vigs versorg word, gereël.

(3) Opleidingskursus vir Fasiliteerders
Fasiliteerders word opgelei om bogenoemde werkseminare aan te bied. Die kursus duur 5 dae, en inwoning is noodsaaklik.
 
Kursusse word aangebied waar die behoefte is. Die aanbieders is fasiliteerders van die Christen Vigsburo. Vir meer inligting kontak Ds Nelis du Toit by (021) 873 0028 of per e-pos by management@cabsa.co.za.
 
(4) Hulpbron- en Inligtingsdiens
CARIS (Christian AIDS Resource and Information Service) is ‘n projek van CABSA wat betroubare, toeganklike inligting oor MIV, VIGS en die pandemie beskikbaar maak. Kontak Lyn van Rooyen by (011) 796 6830 of info@cabsa.co.za

(5) Webblad
CARIS is ook verantwoordelik vir ‘n webblad, beskikbaar by www.cabsa.co.za, met inligting om Christene te help in hulle respons op die pandemie, sowel as omvattende databasisse van materiaal, projekte en preekwenke.

Webblad: http://www.cabsa.co.za/newsite/index.asp