• Buvton se fasiliteringsdiens aan gemeentes
• Waardes in die proses van fasilitering
• Vier brandpunte in elke fasiliteringsproses
• Hoe werk Buvton se fasiliteringsproses?
• Watter meetinstrumente gebruik ons in die proses?
• EGDN-Eenheid vir godsdiens demografiese navorsing
• Leierskapsontwikkeling
• Opleiding in fasilitering vaardighede
• Kontraktering met gemeentes
• Buvton fasiliteerders in verskillende streke
• Publikasies oor die prosesse van verandering
in gemeentes

Buvton lewer al vir meer as 'n dekade fasiliteringsdienste aan gemeentes. Hierdie diens vorm 'n integrale deel van ons visie om 'n diensruimte te wees waar gemeentes en gemeenteleiers begelei word om hulle roeping beter te verstaan. Ons fasiliteer vanuit bepaalde teologiese vertrekpunte wat daarop neerkom dat ons gemeentes sien as God se geskenk aan die wêreld. Gemeentes het daarom 'n unieke taak wat in hulle unieke konteks uitgeleef moet word. Begeleiding van gemeentes is daarom gefokus op die herontdekking van die gemeente se roeping. Omdat die gemeente deur God geroep is kan die herontdekking van die roeping net plaasvind indien daar in die proses ruimtes geskep word waarin daar ontmoetings met God kan plaasvind.
bo

• Wanneer ons prosesse in gemeentes begelei, neem ons hierdie kernwaardes in ag:
•Respek vir die kerklike tradisie en verband waartoe die geloofsgemeenskap verbind is.
•Beklemtoning van die lokaliteit van geloofsgemeenskappe beide volgens verhaal en geografie.
•Aanvaarding dat diversiteit sowel onder as in geloofsgemeenskappe voorkom.
•'n Eskatologiese fokus op die toekoms vanuit die belydenis dat nuwe lewe en verandering 'n geloofsrealiteit is.
•'n Fokus op verhoudings, die vestiging van vertroue en betroubaarheid as 'n voorwaarde vir transformasie.
•Gerigtheid op prosesse en sisteme eerder as programme, of reëlgebaseerdheid. Ons beskou programme as 'n middel tot 'n doel, nie 'n doel in sigself nie.
•Ontwikkeling van kreatiwiteit as 'n basiese eskatologiese vaardigheid om nuwe moontlikhede te kan sien en bedink.
• 'n Ekumeniese en interdissiplinêre benadering, wat uit die rykdom van gawes van die ekumene en ander dissiplines put.
bo

Buvton lewer in samewerking met die Eenheid vir Godsdiens-Demografiese Navorsing, 'n diens aan gemeentes om hulle te ondersteun in hulle taak om navorsing te doen oor die verskuiwings en tendense wat in die gemeente, onder lidmate en in hulle konteks plaasvind. Ons sien hierdie inligting nie as normatief vir die vasstelling van die roeping nie, maar as strategiese inligting om gemeenteleiers in staat te stel om hulle roeping in Jesus Christus beter te verstaan en uit te leef in die konteks waarin hulle leef.

•Instrument 1 - Buvton-gemeentevraelys:
Dis ontwerp as 'n hulpmiddel aan gemeentes wat wil vasstel hoe lidmate dink oor die kerk en die bediening van die gemeente.
•Instrument 2 - Demografiese analise:
'n Demografiese profiel word opgestel met behulp van Sensus '96. Demografiese data van sensusse sedert 1910 kan nagevors word ten einde 'n groei/kwyn-tendens te bepaal.
•Instrument 3 - Waardeprofiel (Sociomonitor)
Dis 'n basiese raamwerk om verskillende groepe se waardes te verstaan sodat hulle effektiewer bedien kan word. Dit help ook om te weet op watter manier met elke groep gekommunikeer kan word. Hierdie inligting is waardevol wanneer 'n mens strategies dink en beplan vir die gemeente se toekoms.
•Instrument 4 - "Natural Church Development" (NCD)gemeenteondersoek:
Buvton is 'n geakkrediteerde konsultant vir NCD.
bo

Agtergrond
Die Eenheid vir Godsdiens-Demografiese Navorsing is formeel in Februarie 2001 gestig. Die Eenheid is 'n gesamentlike inisiatief tussen Praktiese Teologie en Buvton aan die Fakulteit Teologie, Universiteit Stellenbosch. Die missie van die Eenheid is om geloofsgemeenskappe by te staan om deur middel van demografiese- en waarde data bestaande bedieninge te verbeter of nuwe bedieningsgeleenthede te identifiseer en te benut. Ons droom is om geloofsgemeenskappe te bemagtig om 'n positiewe rol in die gemeenskap en samelewing te speel.

Dienste
• Demografiese profiel met behulp van Sensus '96. Die Universiteit van Stellenbosch het die "10% Sample" van Sensus '96 aangekoop en dit elektronies toeganklik. Deur middel van 40 verskillende moontlikhede (bv. geslag, ouderdom, bevolkingsgroep, geloof, opvoedkundig, inkomste ens.) kan 'n demografiese profiel van enige gebied ontwikkel word. 'n Byvoegsel word aangeheg met meeste van die demografiese moontlikhede. Hou in gedagte dat daar ook kruistabulasies tussen enige van die moontlikhede gemaak kan word. Hierdie data kan nasionaal, provinsiaal en residentieel verskaf word.
• Teen middel 2003 behoort ons die resultate van Sensus 2000 te hê. Skakel gerus hieroor.
Demografiese data van sensusse sedert 1910 kan nagevors word ten einde 'n groei/kwyn tendens vas te stel.
• Om die data so effektief as moontlik te kommunikeer, word 'n Powerpoint aanbieding van die data gemaak. Die doel hiervan is dat gemeentelede die geleentheid kan kry om die informasie te bedink en te interpreteer.
• 'n Strategiese sessie waar die data aangebied en saam met taakspan geïnterpreteer word ter wille van bedieningstrategieë.

Koste
Normaalweg bied die Eenheid hierdie diens aan teen R 100-00 per uur. Indien dit nodig is om na die gemeente te ry dan vra ons dat die gemeente teen sinodale tarief die vervoer vergoed (R 1-70/km).

Kontakbesonderhede
Prof Jurgens Hendriks
Telefoon: (021) 808-3260
Faks: (021) 808-3251
E-pos:
Dr Johannes Erasmus
Telefoon: (021) 808-3260
Faks (021) 808-3251
E-pos:

bo

Gemeentelike transformasie raak die leierskap in die gemeente ten nouste. Daar word dikwels in die proses van hulle verwag om deur 'n proses van persoonlike transformasie te gaan. Behalwe vir die heroriënteringskursus wat predikante help om ten opsigte van die bediening nuwe paradigmas te verstaan en nuwe vaardighede te ontwikkel, het Buvton ook begin met 'n Diens vir Leierskapsontwikkling wat predikante en gemeenteleiers begelei in die proses van persoonlike ontwikkeling en transformasie. By die jaarlikse Gemeenteleierskonferensie Verantwoordelike Vernuwing word daar in die werkswinkels gefokus op die aanleer van nuwe vaardighede vir die leierskap in die gemeente.
bo

Dit is belangrik om die kontraktering voor die proses begin deeglik af te handel. In hierdie fase word daar inligting versamel deur die fasiliteerder sodat hy/sy met die gemeente 'n ingeligte gesprek kan voer oor hoe die probleem of uitdaging in die gemeente verstaan. Die fasiliteerder sal dan saam met die gemeenteleiers 'n proses ontwerp wat pas by die spesifieke omstandighede van die gemeente. Tydens kontraktering word daar dan duidelik uiteengesit wat die verwagte uitkomste van die proses is en wat elke party se verantwoordelikhede is.

Buvton vra so ver moontlik nie fooie vir ons fasiliteerders nie, maar mag in sommige gevalle van gemeentes vra om onkostes te help dek.

Vir al ons prosesse vra ons dat gemeentes aan die volgende voorwaardes sal hou:

• Die predikante van die gemeente besoek die Diens vir Leierskapsontwikkeling om hulle gereedheid vir die proses van transformasie te bepaal en aan hulle ondersteuning te bied tydens die proses.

• Die proses moet deurlopend aandag gee aan die vier kragpunte:
1. Proses wat daarop fokus om in ontmoeting met God deur sy Woord en Gees 'n nuwe verstaan van die gemeente se roeping te ontdek
2. Gemeente is geroep om 'n verskil te maak in die gemeenskap (plaaslik tot aan die uithoeke van die wêreld)
3. Die proses moet oop wees sodat die hele gemeente kan deelneem
4. Die storie van elke gemeente is belangrik om die unieke werk en roeping van die Here in en vir die gemeente te verstaan

Vir 'n normale visioneringproses voorsien ons 'n minimum periode van 24 maande.

Indien u belangstel om 'n Buvton fasiliteerder te gebruik vir die proses in u gemeente kontak vir Frederick Marais by 021-8083381 of stuur 'n e-pos aan
bo

Om die Buvton begeleidingsdiens meer effektief te kan aanbied is daar geografiese fasiliteerders aangewys wat Frederick Marais ondersteun. Elkeen van dié fasiliteerders is geakkrediteerde CFN (Christian Facilitation Network) fasiliteerders. Hulle is:

Suid-Kaap: Hans Steyn E-pos: steynjj@telkomsa.net
Tel: (044) 272 8516
Overberg: Kobus Kellerman E-pos: kobuskell@freemail.absa.co.za
Tel: (028) 314 0778
Weskus: Bossie Muller E-pos: ngopdieberg@lando.co.za
Tel: (023) 317 0898

Kaapstad & Boland: Johan Kotze E-pos: jkotze@kingsley.co.za
Tel: (021) 975 5983
Johan is ook Buvton se geakkrediteerde NCD konsultant.
bo

Bestel die volgende boeke oor die veranderingsprosesse in gemeentes:

Draers van Hoop (Michiel van der Merwe en Frederick Marais)
Daar is baie mense wat moed opgegee het dat Christelike gemeentes nog iets kan beteken in 'n wêreld wat skynbaar hoop verloor het. Die twee skrywers van hierdie boek tel nie onder hulle nie. Inteendeel, hulle is daarvan oortuig dat gemeentes in baie opsigte oorgebly het as die enigste Draers van die Hoop in ons samelewing.

As gemeentekonsultante weet hulle maar te goed dat gemeentes probleme het. Maar as begeleiers van talle gemeentes in die prosesse van vernuwing weet hulle óók hoeveel positiewe dinge gebeur wanneer 'n gemeente op 'n passievolle maar verantwoordelike manier meegevoer word deur gedeelde VISIE.

Hulle het hierdie boek uit ervaring geskryf vir GEMEENTELEIERS in die praktyk van gemeentebediening.

Hulle probeer nie nog 'n nuwe teorie aan lesers verkoop nie. Hulle beskryf slegs - met praktiese wenke - die prosesse wat hulle met verloop van tyd in werklike situasies ontwikkel het, en waarvan hulle kan sien dat dit wérk.

Bestel die boek by Joanie Batt (021) 808 3382 of per e-pos by
bo

Meetings that matter (Arnold Smit)
Meetings are often experienced as the less inspiring aspect of church work. Many long and tedious hours are invested in an effort to arrive at decisions. And then many people wonder whether these decisions really contribute to the essence of the church's mission and ministry.

Can this situation be cured? Is it possible to transform church meetings in such a way that they become centres of spiritual discernment where the quest for the will of God becomes more important than keeping the church structurally, administratively and financially afloat? Is it possible for church meetings to be experienced by participants as energising and empowering moments of ministry? This book takes on the challenge and offers an approach to meetings in which these questions are answered positively.

All people who are chairing the various kinds of church meetings in congregations will gain from the insights and proposals offered in this book. Ministers and the theologically literate may also find it helpful! Those who are responsible for chairing meetings of regional church bodies may well have to translate some of the principles and concepts to suit their particular needs

Bestel dié boek by Joanie Batt (021) 808 3382 of per e-pos by

bo