Voortgesette Bedienings-Ontwikkeling

Die eerste splinternuwe VBO-week op Stellenbosch
“Ontdek jou gemeente se missionêre uitdagings in Afrika”

Vanaf 2007 hou BUVTON jaarliks twee groot VBO-weke (Voortgesette Bedieningsontwikkeling), een in elke semester. Hierdie weke word spesifiek ontwerp met die oog op predikante se bedieningsbehoeftes en sal ook kredietwaardig wees ten opsigte van die nuwe kredietestelsel wat na alle waarskynlik vir alle predikante van die NGK bedoel sal wees vanaf middel 2007. Hierdie eerste week sal in hierdie verband inderdaad kredietwaardig wees en sal as sodanig terugwerkend in berekening gebring kan word. Maar ten spyte van die kredietwaardigheid is die tema vir hierdie week uiters aktueel met top sprekers en aanbieders. Die eerste VBO-week vind al so vroeg soos Maart 2007 plaas, gedurende die week van 12-15 Maart 2007.

Hiermee wil ons hierdie eerste VBO-week
1. bekendstel,
2. meer besonderhede omtrent die inhoud verskaf,
3. praktiese reëlings tref en inligting daaromtrent kommunikeer asook
4. ‘n geleentheid vir jou bied om in te skryf.