| Wat glo ons? Wat doen ons? 'n Nuwe Era vir Buvton Teologie |
|
Buvton is ‘n buro van die Universiteit Stellenbosch wat in vennootskap met die kerk spesialisdienste lewer aan predikante en gemeentes.
|
|||||||
Ons glo dat gemeentes God se geskenk aan die wêreld is. Buvton wil ‘n diensruimte wees waar predikante en gemeentes mekaar inspireer en begelei om ons roeping in diens van die drie-enige God nuut te ontdek en uit te leef. |
|||||||
| 1. Ons bied ‘n wye verskeidenheid kursusse aan vir die ontwikkeling van dinamiese leiers, geïnspireerde gelowiges en lewende gemeentes. 2. Deeglike, praktykgerigte navorsing vorm die ruggraat van waar vernuwende insigte en strategieë ontwikkel word. 3. Ons het ook ‘n Netwerk vir Leierskapsbegeleiding vir predikante en gemeentes wat op ‘n plaaslike en individuele vlak bedien wil word. 4. Buvton voorsien ook ’n begeleidingsdiens vir gemeentes deur fasilitering en die Vennootskap vir Gestuurde Gemeentes. 5. Verder wil Buvton help met die mobilisering van gemeentes met die oog op armoedebestryding. 6. Deurentyd bied Buvton ook in samewerking met sy vennote ’n verskeidenheid werkswinkels en konferensies aan wat gelei word deur wêreldkenners op die onderskeie terreine. 7. Buvton bied lewensveranderende retraites aan, wat instrumenteel tot die geestelike verdieping van predikante en gemeenteleiers kan wees. 8. Laastens ontwikkel (en identifiseer) Buvton ‘n verskeidenheid betroubare en relevante publikasies en programme wat gemeentes kan help om eietydse uitdagings die hoof te bied. bo |
|||||||
Die afgelope twaalf maande het ons ‘n hele reeks skuiwe en veranderings by Buvton gesien. Die vorige direkteur, Michiel van der Merwe het afgetree; ons het in 60 gemeentes begin met die groot projek, Vennootskap vir Gestuurde Gemeentes olv Frederick Marais, Andrew Esterhuyse, Gordon Dames en Pieter van der Walt; Pieter Grove is via ‘n borgskap by ons aangestel met die oog daarop om gemeentes meer betrokke te kry by armoedeverligting en -bestryding. Les bes het ons in September ook in ons nuwe kantore ingetrek. Ons weet al lankal by Buvton dat selfs kerklike instansies en gemeentes moet tred hou met die tyd en met nuwe ontwikkelings. Die meeste organisasies vandag spandeer baie tyd aan navorsing oor wat hulle vorentoe in die organisasie te wagte kan wees. By Buvton het ons ook agtergekom dat ons heeltyd op ons voete moet bly dink oor waar die kerk en predikante is en hoe ons hulle ten beste kan help. Terwyl ons sekerlik sal voortgaan met heelwat fasette van die werk wat goed loop, gaan daar ook ‘n paar definitiewe skuiwe kom: • Buvton is reeds lankal verbind om nie net NGKerk predikante en gemeentes te help nie maar ook die VG Kerk. Met Pieter Grove se koms en mense soos Gordon, Andrew en Lukas Plaatjie se betrokkenheid hoop ons uiteindelik dat ons vorentoe ‘n gelyke en geïntegreerde diens aan beide kerke kan lewer. As deel van hierdie nuwe verbintenis het ons vir onsself gesê dat ons selfs sal oorweeg om die naam te verander as dit kan help om ons nuwe identiteit te vestig. • Pieter gaan ons help om sterk te fokus op die saak van armoede – een van die heel grootste probleme in ons land. Die fokus van sy werk gaan wees hoe hy gemeentes effektief kan help met hulpverlening en opleiding van mense in armoede-situasies. Ons voorsien dat hierdie ‘n belangrike faset van Buvton se werk gaan wees. Dit kan nouliks anders: getroue en effektiewe gemeentes in SA vandag sal op een of ander manier by armoedeverligting betrokke wees. • Ons is baie opgewonde oor hoe die Vennootskap vir gestuurde gemeentes loop. Ons kry baie goeie terugvoer sover. Wat die projek vir ons so belangrik maak, is dat ons hier met meer gemeentes tegelyk kan werk – op so `n manier dat hulle ook besig is om mekaar by te staan op die pad. • Ons sal waarskynlik eerste teen die middel van volgende jaar Michiel se pos vul. Die SKP het besluit om eers studie te doen en gesprekke te voer oor wat die fokus van hierdie pos vorentoe moet wees. Een van die nuwe ontwikkelings is die vorming van die Netwerk vir Leierskapsbegeleiding (SLB). • Die Heroriënteringskursus vir predikante word in ‘n veranderde formaat voorgesit. Die groot skuif is om dit meer prakties te maak en ‘n sterker klem op die ontwikkeling van bedieningsvaardighede te plaas. Dit beteken ook dat ons waarskynlik met minder mense op ‘n keer sal werk. • Ons wil meer maak van korter gesprekke en konferensies oor aktuele onderwerpe. • Daar het ook ‘n klompie nuwe navorsingsgroepe bygekom. Ons hoop om meer VGK-mense in die groepe in te trek en een of twee van die nuwe groepe fokus juis op problematieke wat in die VGKerk baie aktueel is. • Ons is ook baie opgewonde oor Braam Hanekom en Andrew Esterhuizen se aanstellings by die GO (Gemeente-Ontwikkeling). Ons dink dit is ‘n baie nodige inisiatief en beplan om baie nou met hulle saam te werk. |
|||||||
Die Lewende Christus Die Geskenk van die Lewe
Maak ons Profete, Priesters en Konings
Die lewende God
doen self sy werk...en nooi ons om saam te kom Die proses van visionering
vind plaas wanneer ons: Die Proses van Begeleiding
word gedra deur: • 'n Verdiepte geloof
in God en die evangelie
|
"Ek
het gekom sodat julle die lewe kan hê en dit in oorvloed":
(Joh. 10:10)
