Erkenning van Vooraf-Leer (EVL)
Departement Didaktiek, Universiteit van Stellenbosch

Die Universiteit van Stellenbosch het ‘n beleid aanvaar vir die erkenning van voorafleer (EVL) op grond waarvan die Sentrum tans EVL-aansoeke evalueer. Indien u nie aan die kriteria vir toelating tot die program voldoen nie, sal ons u aansoek daarvolgens evalueer en u so spoedig moontlik van die uitslag in kennis stel.

Fase 1: 'n Volledige CV moet voorgelę word sodat die "paneel" kan bepaal of
(a) die kwalifikasies waaroor die applikant beskik hom/haar enigsins in staat stel om te kwalifiseer
(b) die werkservaring en betrokkenheid by lewenslange leeraktiwiteite die applikant kan help om te kwalifiseer.

Die name en kontakbesonderhede van ten minste drie referente moet saam met hierdie CV voorgelę word. (Keerdatum: 31 Augustus)

Fase 2: 'n Portefeuljevoorlegging waarin die volgende bewys van gelewer moet word en daar voldoende regverdiging gegee kan word waarom die applikant oorweeg behoort te word. Dit kan onder die volgende rubrieke ingedeel word, met die gepaardgaande bewyse in 'n ringlęer. (Keerdatum: 30 September)

RUBRIEK	BEWYSE
Kwalifikasies	Sertifikate Diplomas Grade
Kort kursusse / Werkswinkels bygewoon	Bywoningsertifikate
Werkservaring	Toepaslike werkservaring wat besondere vaardighede vereis wat tot die applikant se voordeel in die program sou wees.
Dienslewering	Betrokkenheid by streeks-/nasionale verenigings/forums/werkgroepe
Deelname aan konferensies	Referate gelewer/Plakkate/Werkswinkels aangebied(Sluit 'n voorbeeld van die beste referaat in.)
Spesiale erkennings	Toekennings vir besondere prestasie
Bewyse van spesifieke vaardighede	Leierskapposisies beklee, skryfvaardighede (artikels), kursusse ontwikkel(Sluit die beste voorbeeld van 'n artikel in.)
'n Reflektiewe standpunt	Die applikant skryf, op grond van die voorafgaande, 'n reflektiewe standpunt waarin hy/sy die volgende aanraak: 'n ontleding van sy/haar sterkpunte 'n ontleding van beperkinge en hoe die applikant beoog om dit in die leerprogram te hanteer motivering/regverdiging waarom die applikant op grond van erkenning van vooraf-leer tot die program toegelaat behoort te word.
Algemeen	Enige ander bewyse (nie hierbo genoem) wat die applikant wil aanbied om aan te dui dat hy/sy vir die toelating tot die kwalifikasie in aanmerking behoort te kom

Terug na bo