Die gevallestudie ondersoek die motivering vir die gebruik en implementering van `n teoriegedrewe benadering vir die evaluering van `n gemeenskapontwikkelings program in Suid Afrika. Die motivering vir `n teoriegedrewe benadering word bespreek in die konteks van die onvermoë van eksperimentele of 'black-box' benadering tot evaluering om genoegsame informasie aan program implementeerders, program-bestuurders en beleidmakers te verskaf. Daar word ook geargumenteer dat die eskperimentele benadering tot evaluering, ondanks die belofte om sistematiese en gegronde bewyse van die uitwerking van projekte of programme daar te stel, nie aan hierdie belofte voldoen nie. Die eksperimetele benadering worstel ook om die integriteit van die ontwerpe te behou en dit beïnvloed die kwaliteit van die resultate.

Die politieke, ekonomiese en sosiale transformasie in Suid Afrika, vanaf 1994 tot die hede, word beskryf as die navorsing-konteks om sodoende die uitdagings van ekonomiese opheffing, armoede verligting en sosiale transformasie uit te lig. Die dringende behoefte om verskeie initiatiewe en intervensies, wat in die lewe geroep is deur beleids-veranderinge en ontwikkelings-programme, te evalueer word vervolgens bespreek. `n Voorbeeld van so `n initiatief is die van die Sentrum vir Gemeenskaps- Ontwikkeling (CCD) wat ten doel het om van die sosiale uitdagings, hierbo genoem, vas te vat.

Verdere argumente vir die gebruik van die teoriegedrewe benadering tot program evaluering word aangevoer deur middel van `n uitbreiding van die geskiedenis en ontwikkeling van program-evaluering . Program-evaluering word uitgebeeld as `n interdissiplinêre toegepaste veld van navorsing en word aangewend vir verskeie doeleindes. Die geskiedenis, groei en potensiële voordele van die teoriegedrewe benadering tot evaluering word bespreek asook die probleme van, en kritiek teenoor die benadering. Die ontologiese, epistemologiese en metodologiese raamwerk wat die sosiale wetenskappe omskryf en beïnvloed, word bespreek deur `n meta-teoretiese analiese van die filosofiese debatte oor die paradigmatiese keuses wat navorsers maak en beïnvloed. Dit wys ook hoe navorsers hierdie raamwerk interpreter en die teorie-aangedrewe benadering tot evaluering word vas gele binne `n bepaalde soort realistiese ontologie.

Gemeenskaps-ontwikkeling word ook ontleed in terme van die sentrale konsepte naamlik 'gemeenskap' en 'ontwikkeling'. Hierdie konsepte word ontleed en verduidelik met die doel om `n teoretiese raamwerk te ontwikkel wat later gebruik word in die analise van die evaluasie resultate.Die navorsings-konteks van die gemeenskaps ontwikkeling program word ook uitgebeeld en die resultate van die evaluasie aangebied en bespreek. Die ontleding van die resultate van die evaluasie ontbloot die kern van die gemeenskaps ontwikkeling program en bied riglyne vir die verdere verskerping van die teoriegedrewe benadering tot evaluasie.

Terug na bo