Betroubare en geldige metodes vir die bestudering van gemeenskapbehoeftes is 'n essensiële hulpmiddel wat kan bydra tot die ontwikkeling van gemeenskappe. Hierdie studie identifiseer verskillende maniere om gemeenskapbehoeftes te evalueer en gebruik twee van die metodes vir die beoordeling van die Langa gemeenskap se behoeftes. Daar is bevind dat 'n suksesvolle behoefte-evaluering die sleutel is tot die identifisering van een of meer metodes wat geskik is vir die evaluering van wat toepaslik is vir die areas van belang, die doelwitte en hulpbronne. Die suksesvolle implementering daarvan is ook uiters belangrik. Queeney (1995) voer aan dat 'n tegniek gekies moet word, om 'n akkurate beeld te verkry van die gemeenskap wat bestudeer word en terseldertyd moet koste-effektiewe hulpbronne gebruik word.

Die studie bespreek daarom die behoefte-konsep sowel as tegnieke waarmee behoeftes geëvalueer kan word. Verskeie gevallestudies waarin verskillende behoeftebepalingstegnieke gebruik is, word ook bespreek. Na voltooiing van die gevallestudies is twee behoeftebepalingstegnieke deur die outeur geïdentifiseer en gebruik in die Langa studie.

Langa is gekies vir die gevallestudie as gevolg van die diverse sosio-ekonomiese struktuur van die gemeenskap. Die tipe behuising wat deur die persoon bewoon word, dien as aanduiding van die sosio-ekonomiese agtergrond van die persoon. Die verskillende behuisingstipes in Langa sluit krothuise, hostelle, gemeenskaphuise en privaat huise in. Die sleutelinformant- en ondersoekmetodes is in die Langa area vir hierdie studie gebruik. Die sleutelinformant benadering is vir gemeenskapleiers gebruik. Die ondersoekbenadering is gebruik deur 'n steekproef te doen op wooneenhede in die area. Die rede vir die gebruik van twee metodes is om 'n meer volledige beeld van die gemeenskapbehoeftes in die area te verkry.

Terug na bo

Sleutelinformant benadering
Verteenwoordigers van tien van die vyftien gemeenskap organisasies wat in die Langa area werksaam is, is ondervra. Prioritetsbehoeftes vir die gemeenskap het verskil van mekaar in ooreenstemming met die organisasies wat deur sleutelinformante verteenwoordig word. As voorbeeld het die Langa Besigheidsforum (LBF) die ontwikkeling van die besigheidssentrum as prioriteit genoem. Aan die anderkant het die Polisiëringsforum se verteenwoordiger die installasie van krane vir gebruik deur krothuisbewoners as 'n prioriteit vir die gemeenskap gestel.

Ondersoekbenadering
In totaal is 425 persone ondervra deur gebruik te maak van hierdie metode. Van die totale aantal respondente wat in krothuise woon, het ongeveer 40% 'n voltydse betrekking, terwyl die persentasie voltydse werknemers vir respondente wat in gemeenskapbehuising woon, ongeveer 47% is. Private huise het by verre die hoogste persentasie (73%) respondente in voltydse betrekkings, gevolg deur deur respondente wat in hostelle woon (59%). Die hoë aantal respondente met voltydse betrekkings in private wonings is nie 'n verrassing nie gesien in die lig van die feit dat die respondente hoofsaaklik in dien van die Regering is. Tydens die studie is bevind dat die gemiddelde inkomste van krotbewoners is R772 per maand is, wat minder is as die armoede-inkomstelyn van R800 per maand is vir huishoudings (STATISTICS SA, 2000). Vir die ander drie behuisingstipes het die gemiddelde inkomste per huishouding gewissel van R945 in hostelle tot R2970 in private huise. In gemeenskapsbehuising is die gemiddelde inkomste per huishouding R1330.

Persone in krotwonings het nie toegang tot basiese dienste nie. Nietemin, was behuising hulle eerste prioritiet. Behuising was ook die eerste prioriteitbehoefte vir inwoners van oorvol trekarbeider hostelle. Vir respondente wat in gemeenskapbehuising woon was werksgeleenthede die grootste behoefte. Bewoners van private huise het genoem dat behuising vir krotbewoners hul prioritietbehoefte is. Die nabyheid van krotbewoners aan private behuising het bewoners van private huise bewus gemaak van die omstandighede waarin krotbewoners leef.

Terug na bo

Aanbevelings
Meeste van die gemeenskaporganisasies in die Langa area bestaan as gevolg van 'n behoefte wat deur die gemeenskap geïdentifiseer is. Die prioriteitsbehoeftes wat deur verteenwoordigers van die onderskeie gemeenskaporganisasies genoem is, was ook die behoeftes van die Langa gemeenskap. Behuising en werksgeleenthede is as die belangrikste prioriteitsbehoeftes geïdentifiseer in die ondersoekbenadering. As krotbewoners toegang tot beter behuising het, sou die Langa gemeenskap nie langer gasheer speel vir brande wat die krotarea gedurende winter verwoes nie.

Prioriteitsbehoeftes wat deur sleutelinformante en respondente van die ondersoek geïdentifiseer is, moet dringend geadresseer word om die ontwikkeling van die Langa gemeenskap te verseker.

Terug na bo