Bemarking, Publikasies, Law Top

Die portefeulje van bemarking is by die meeste ander portefeuljes geïntegreer. Elke sosiale- of akademiese geleentheid moet effektief bemark word. Plakkate word gemaak, klasafkondigings word gedoen, menus en kaartjies word gedruk en nog vele ander aspekte wat betrekking het tot bemarking. Die JV as sulks word ook bemark oor kampus. Hou gerus kennisgewingborde dop vir die nuutste ontwikkelinge in en om die Regsfakulteit.

Die Juridus boekie word twee maal per jaar uitgegee (een elke semester). Dit bevat onder andere 'n verwelkomings brief deur die voorsitter van die JV en die Dekaan asook alle besonderhede van die komitee. Terugvoering met betrekking tot funksies en aangeleenthede in en om die Regsfakulteit word gegee asook akademiese en aktuele kwessies van belang. Daar is hierdie jaar besluit om 'n sub-komitee aan te stel vir die portefeulje. Hulle is Mea Steyn, Esti Brand, Simon Freemantle, Wineta Joubert en Retha Marais. Saam is ons verantwoordelik vir hierdie publikasie. Stundente kan hierby baat vind en moet seker maak dat hulle 'n kopie hiervan kry.

Ek het dit goed gedink om aan studente en dosente die keuse te bied tussen 'n grys en navy/blou Law Top. Daar is twee geleenthede om bestellings te plaas in die jaar - een aan die einde van die eerste semester en dan weer aan die begin van die tweede semester. Die koste beloop R 120 per top en is regtig 'n aanwins vir regstudente.