| Ontwikkeling het
die afgelope tyd so vinnig plaasgevind dat daar bereken word dat
alles wat ons vandag weet, oor sowat 20 jaar net 1% van die wêreld
se totale kennispoel sal uitmaak.
Trouens, 'n hele nuwe kennisgebaseerde samelewing
en ekonomie is aan die ontwikkel. Die werker van die toekoms gaan
dalk tot sewe keer in sy/haar leeftyd van beroep moet verander
en dalk selfs aftree in 'n beroep wat tans nog nie bestaan nie.In
die konteks van 'n ontwikkelende nasie soos dié van Suid-Afrika
speel universiteite 'n belangrike rol in die proses van hierdie
kennisskepping. |
