Sosiale Sielkunde van Kleding 11

Kleding 414

Eerste Semester 2005

Algemene inligting

Dosent

Mev ME van der Merwe, Lokaal 113, tel. 808 3403

E-pos: evdmerwe@sun.ac.za

Doelwit van die module

Die doel van die module is om vanuit ‘n kulturele perspektief ’n diepgaande studie en navorsing te doen van groepe se kledinggedrag sodat die afgestudeerde in staat sal wees om in die klerebedryf met inagneming van die globale konteks, die regte besluite te neem.

Uitkomste van die module

Die afgestudeerde sal:

· in staat wees om, as kundige op die gebied van sosiale sielkunde van kleding, analises en toepassings te maak rakende groepe se kledinggedrag.

· kennis hê van die konsepte, teorieë en benaderings wat relevant is vir die sosiale sielkunde van kledinggedrag,

• kleding, voorkoms, die sosiale vertolking van gender en die liggaam binne kulturele konteks kan beredeneer

• krities kan besin oor die kollektiewe gebruik van klere.

• die invloed van konteks, groepe, organisatoriese kulture en die samelewing op voorkomshantering verstaan

• insig hê in kulturele kategorieë, voorkoms en sosiale stratifikasie soos dit gereflekteer word in kledinggedrag

• die verwantskap tussen wêreldinvloede (global influences) en die uitdrukking van identiteit verstaan.

Studiemateriaal

Relevante gedeeltes uit die volgende boek word bestudeer:

Kaiser, SB (1998): The social psychology of clothing. Symbolic appearances in context. New York. Macmillan Publishing Company.

Aanvullende literatuur insake die onderskeie onderwerpe word tydens die betrokke kontaksessies beskikbaar gestel.

Inligting op die Web-CT vir gebruik deur ingeskrewe studente.

Leergeleenthede van die bepaalde module

Lesingperiodes (3 lesings en 1 tutoriaal per week)

Die roosterperiodes is beplan vir:

Woensdae: 11:00–12:50 in lokaal 210

Vrydae: 9:00-9:50 in lokaal 210

Vrydae 12:00-12:50 in lokaal 304

Afspraaktye

Voor of na afloop van lesings. Maak andersins afsprake in kantoorure asseblief.

Formaat van aanbieding

Teorie

Lesings

Groepbesprekings, derhalwe word daar van die studente verwag om voorbereid na klasse te kom

Geskrewe studie-opdragte

Tutoriale

Klasbesprekings oor toepassings van die teoretiese inhoud

Beplanning en deurvoering van navorsing

Optrede deur die studente self

Deurvoering van studie-opdragte en tuistake

Assessering en die berekening van die klaspunt

Die klaspunt word soos volg saamgestel:

1. Tutoriale 40%

2. Semestertoets 30%

3. Navorsingsverslag 30%

Die prestasiepunt word saamgestel uit die klaspunt (40%) en die eksamenpunt (60%). Die toets- en eksamendatum is soos op die departementele en universiteitsrooster aangedui.

Taalspesifikasie

Die medium van onderrig is Afrikaans, maar studente kan, na gelang van hul voorkeur, met mekaar en met die dosent in beide Afrikaans en Engels kommunikeer. Toets- en eksamenvraestelle word in beide Afrikaans en Engels opgestel. Studente kan die vrae in enige van die genoemde twee tale beantwoord. Dieselfde reëling geld ook vir take en opdragte