Programkoordineerder: , tel:
+27-21-8083552 Kontakpersoon:
, tel:
+27-21-8083466
-
BELANGRIKE
INLIGTING
Vir meer inligting skakel die
ALGEMENE INLIGTING
Dit is
vir ons aangenaam om u kortliks bekend te stel aan die
Magisterprogram in Voorligtingsielkunde. Hierdie program is gebaseer op die
teoretiese ontwikkelingsmodel in die Sielkunde, met veral klem op beide die
teorie van en navorsing in die voorligtingsielkunde sowel as op
praktiese ervaring en supervisie regdeur die opleiding. Die doelstelling van
die program, in kombinasie met die internskap wat daarop volg, is om
vaardige professionele terapeute in Voorligtingsielkunde op te lei wat
kinders, adolessente en volwassenes, individueel of in gesins- en
groepsverband suksesvol kan hanteer. Die program is gestruktureer en georiënteer rondom
diens aan die gemeenskap, veral aan die benadeelde sektore van die
gemeenskap waar groei en ontwikkeling van potensialiteit 'n prioriteit is.
- Toelating tot die MA in
Voorligtingsielkunde is aan keuring onderworpe.
- Die sluitingsdatum vir
aansoeke om toelating tot die program is 'n maand voor die keuring van die
betrokke jaar. Aansoekbesonderhede word in die media geadverteer
en kan van die Internet bekom word. Keuring geskied
jaarliks gedurende Augustus.
- Die program voldoen aan die
vereistes van die Beroepsraad vir Sielkunde om as Voorligtingsielkundige
te kan registreer.
- Teoretiese opleiding
strek oor een akademiese jaar. Na afloop van die program word 'n eindeksamen
bestaande uit minstens 4 vraestelle van 3uur elk, asook 'n mondelinge
eksamen, afgelê.
- Van
studente word
vereis om, benewens bogenoemde, ook 'n gevorderde werkstuk voor te lê wat die resultate
van selfstandige navorsing rapporteer. Die onderwerp van die werkstuk word in
oorleg met die programkomitee gekies.
- Die taalmedium is Afrikaans of Engels, in ag
genome die samestelling van die betrokke klasgroep.
- Vir
registrasiedoeleindes as Voorligtingsielkundige by
die Beroepsraad vir Sielkunde word 'n voltydse internskap van
12 maande by 'n geakkrediteerde instansie, onder toesig van die
Departement Sielkunde, na afloop van die bostaande program vereis. Internskappe
is onder andere by die Universiteit in die Sentrum vir Studentevoorligting
en Ontwikkeling beskikbaar.
- Enige navrae kan gerig word
aan:
Die
Programkoördineerder: Voorligtingsielkunde
Departement Sielkunde
Universiteit van Stellenbosch
Privaatsak X1
Matieland 7602 e-pos:
Tel: (021) 8083466; Faks: (021) 8083584
PROGRAMSAMESTELLING Wat
Voorligtingsielkunde behels Voorligtingsielkunde is 'n spesialiteitsrigting in die
sielkunde wat primêr gerig is op die ontwikkelende persoon in individuele,
gesins-, groep- en gemeenskapsverband met die doel om voorkomend en
terapeuties op te tree. Voorligtingsielkunde het verder ten doel om deur
middel van die ontwikkeling van menslike potensiaal lewenskwaliteit te
verbeter. Hierdie ontwikkeling word gestimuleer en gefasiliteer deur
ingrepe en programme op individuele, gesins-, groep- en gemeenskapsvlak
waardeur mense gehelp word om lewensprobleme konstruktief te hanteer en/of
op te los, doeltreffende besluite te neem, selfkennis te ontwikkel asook
om huidige en addisionele hulpbronne en persoonlike vaardighede te
implementeer. Bestaande teorieë en empiries bewese metodes en tegnieke
word vir die doel aangewend.
Akademiese Program
Op grond
van die voorafgaande uitgangspunte oor die studieveld van
Voorligtingsielkunde, word onder meer die volgende teoretiese modules
gedek:
Kinderontwikkeling en
psigoterapie
- normale kinderontwikkeling
- afwykende gedrag
- evaluasieprosedures
- hulpverleningsprosedures
Gesinsontwikkeling
- huweliksterapie
- gesinsterapie
- ouervoorligting
- aspekte van volwassenheid
Persoonlikheidsontwikkeling
- Psigoterapeutiese
intervensies:
- Persoongesentreerde terapie
- Kognitiewe gedragsterapie
- Realiteitsterapie
- Hipnoterapie
- Krisisingryping
- Portuurgroepvoorligting
- Groepterapie
- Psigo-ontwikkeling
- Holistiese
gesondheidsielkunde
Gemeenskapsontwikkeling
- Temas uit die toegepaste
sosiale sielkunde, soos onder andere aggressie, geweld, houdings,
vooroordele en diskriminasie
- kruis-kulturele sielkunde
- sielkundige konsultasie
Die module is
oorwegend prakties van aard en gefokus op sosiaal relevante kwessies. Dit is
ook sterk gerig op die gemeenskap, veral op die benadeelde sektore van die
gemeenskap
Psigometrie en die
assessering van kinders en volwassenes oor 'n breë spektrum
- Intelligensiemeting
- Persoonlikheidsevaluering
- Beroepsevaluering
Die filosofie van die
Sielkunde en navorsingsmetodologie
- Inleiding tot die
wetenskapsfilosofie in die sielkunde
- Historiese perspektiewe in
die geesteswetenskappe
- Wetenskapsbeelde in die
geesteswetenskappe
-
Die praktyk van sielkundige navorsing, onder andere literatuur- en rekenaarsoektogte,
- Evaluering van
navorsingsbevindinge, navorsingsontwerp, verslaggewing en die
voorbereiding vir die voorlegging van 'n M-werkstuk.
Professionele ontwikkeling
- Professionele orientasie en
bestaande wetgewing
- Professionele etiek
- Verslagskrywing
- Persoonlike ontwikkeling
van die student
Loopbaanontwikkeling
- Teorieë oor
beroepsontwikkeling en beroepskeuse
- Algemene praktyk van
Beroepsvoorligting en besluitneming
- Middelloopbaankrisis asook
laatloopbaanfase
- Ontwikkeling van menslike
potensiaal ten opsigte van onder andere konsentrasie, geheue,
kreatiwiteit, motivering, studie, lees, leierskap, assertiwiteit en
streshantering.
Algemeen Dit kan van studente verlang
word om toepaslike aanbiedings, simposia en kongresse (bv. PsySSA) by te woon.
Indien nodig kan bykomende werkswinkels gereël word.
PRAKTIESE OPLEIDING
Tydens
hierdie jaar doen die student praktiese werk onder toesig van die Departement. Hierdie
praktiese werk word in die Departement Sielkunde, die Sentrum vir
Studentevoorligting en Ontwikkeling, Departement Korrektiewe Dienste, in skole
en in bepaalde gemeenskapsentra gedoen. Praktika word gereël om te
voldoen aan die vereistes gestel deur die Beroepsraad vir
Sielkunde.
Vir verdere inligting en navrae skakel (tel. 021-8083466)
)
Terug
|