Kwalifikasies
BA (1978); BTh (1979); Lisensiaat in Teologie (1981); MTh (cum laude)(1984); DTh (1994), almal aan die Universiteit van Wes-Kaapland.

Agtergrond
Hayman Russel Botman is gebore in Bloemfontein op 18 Oktober 1953 tot Ds Karel en Mev Mavis Botman. Na afloop van matrikulasie aan Klipstad Hoër in Johannesburg het hy sy tersiêre opleiding voortgesit aan die Universiteit van Wes-Kaapland (UWK) soos vereis deur Apartheid-wetgewing. Hy verwerf al sy kwalifikasies aan UWK: B A in 1978, B Th in 1979, die Lisensiaat (Teologie) in 1981, M Th (cum laude) in 1984 en die Doktoraat in Teologie in 1994.
Hy is beroep as predikant van die Nederduits Gereformeerde Sendingkerk in Wynberg van 1982 tot 1993. In 1994 is hy aangestel aan die Universiteit van Wes-Kaapland as senior dosent in Praktiese Teologie. Hy het die Universiteit van Wes-Kaapland gedien as voorsitter van die Departement Christendom en Samelewing en as dekaan van die Fakulteit van Godsdiens en Teologie. Die akademiese liggaam aan die Universiteit van Wes-Kaapland het hom nomineer vir die nuwe posisie as transformasie beampte van die universiteit in die kantoor van die rektor. Hy was ad hominem bevorder tot mede professor van Christendom en Samelewing aan die Universiteit van Wes-Kaapland in 1999.
Op 1 Januarie 2000 word hy aangestel as professor in Missiologie aan Stellenbosch Universiteit se Fakulteit van Teologie. Hy het gedien as Voorsitter van die Department Missiologie, afwisselende dekaan van die Fakulteit van Teologie en as prinsipaal van die Teologiese Skool van die Verenigende Gereformeerde Kerk in Suider Afrika en Stellenbosch Universiteit. In Julie 2002 is hy verkies tot vise-rektor (onderrig) aan die Universiteit van Stellenbosch en as rektor in 2007.
Sy navorsingsfokus is op publieke teologie, die ekumene en ekonomiese globalisering. In 1997 het hy die toekenning ontvang as inwonende geleerde aan die Centre of Theological Inquiry (Sentrum vir Teologiese Ondersoek) in Princeton, Verenigde State van Amerika asook die toekenning van Campbell Geleerde aan Columbia Teologiese Kweekskool in Atlanta Verenigde State van Amerika, in 2000. Hy het ook gedien as ‘n navorsingskonsultant vir die Wêreldbond van Gereformeerde Kerke vir die periode 2001 - 2004.
Prof Botman is ‘n lid van ‘n aantal nasionale en internasionale akademiese liggame. Hy het gedien as voorsitter en is steeds lid van die Teologiese Gemeenskap van Suid-Afrika. Hy is ook lid van die redaksionele raad van die Tydskrif van Teologie vir Suider Afrika en die tydskrif Praktiese Teologie in Suid-Afrika. Sy onderrig en navorsing word ingelig deur sy betrokkenheid in die konteks van Suider Afrika. Hy het gedien as moderator van die Suider Afrika Bond van Gereformeerde Kerke van 1990 tot 1998.
Hy was ‘n kandidaat vir die Tutu Leierskap Toekennings van die Desmond Tutu Opvoedingstrust in 2001. Hy het die Beyers Naudé Sentrum vir Publieke Teologie aan Stellenbosch Universiteit in Maart 2002 gestig en hy dien steeds die sentrum as hoof adviseur.
In Augustus 2001 is hy gekies as senior vise-president van die Suid-Afrikaanse Raad van Kerke (SARK) vir ‘n termyn van drie jaar. Hy is in Augustus 2003 bevorder tot die posisie van president van die Suid-Afrikaanse Raad van Kerke en is herverkies as president in Augustus 2004.
Hy is aangestel as direkteur van NB Uitgewers (Edms) Bpk in Maart 2004 en as direkteur van Media 24 in April 2005.

bo