1. Navrae
2. Algemene Doelstellings
3. Toelatingsvereistes
4. Programinhoud en -struktuur

Navrae

Programkoördineerder : Dr JH van der Merwe
Telefoonnommer : (021) 808-3103
E-pos : jhvdm@maties.sun.ac.za

Algemene Doelstellings

• Om aan studente die basiese dimensies van gemeenskappe, die prosesse van ontwikkeling en die natuurlike omgewing, veral in Derdewêreldkonteks, duidelik te maak;
• om die vlakke en prosesse van interaksie tussen gemeenskappe, sosio-ekonomiese ontwikkelingsprosesse en die natuurlike omgewing aan studente uit te lê;
• om studente die gevolge van interaksie tussen sosio-ekonomiese ontwikkelingsprosesse en die natuurlike omgewing te laat herken en verstaan;
• om studente met die basiese vaardighede toe te rus om volhoubare ontwikkeling deur doelmatige bestuur in die beroepswêreld te help verseker.

Studente word voorberei vir taaksteun en verdere studie ter versekering van die beginsels van volhoubaarheid in die velde van gemeenskapsontwikkeling, bevolkingsontwikkeling, stads- en streekbeplanning, toerismebeplanning en -bestuur, hulpbronbeplanning en -bestuur, geïntegreerde omgewingsbeplanning en -bestuur.

Toelatingsvereistes

• Volle matrikulasievrystelling
• Persentasie in skooleindeksamen: 50% gemiddeld
• Indien Ekonomie 178 gevolg word: Wiskunde (SG) = 50% (D) of Wiskunde (HG) = 40% (E)

Programinhoud en -struktuur

Besonderhede

Die programstruktuur behels 5 eerstejaarsvakke plus Inligtingsvaardighede, 4 tweedejaarsvakke en 2 en ’n halwe derdejaarsvakke. Die drie sentrale dissiplines, naamlik Geografie en Omgewingstudie, Sosiologie en Openbare en Ontwikkelingsbestuur bly verpligtend in al drie studiejare, met ’n beperkte keuse in die finale jaar. In die finale jaar moet twee en ’n halwe dissiplines uit die drie gevolg word vir ’n totaal van 100 krediete.

Studente wat aan die wiskunde toelatingsvereiste voldoen mag Ekonomie op die basis- en intermediêre vlak volg. Studente wat nie Ekonomie 178 op die basisvlak volg nie, moet Ekonomie 288 op die intermediêre vlak as keusemodule volg. Minstens Ekonomie 178 (basisvlak) of Ekonomie 288 (intermediêre vlak) is dus verpligtend. Hierdeur word die noodsaak vir Ekonomie-gerigte vaksteun, ten einde ontwikkelingswerklikhede behoorik te kan verstaan en hanteer, ondervang.

Vir verdere inligting aangaande die keuse van modules ten opsigte van die vak English Studies moet die departementele inskrywing in Afdeling 6 van die Jaarboek (Deel 4), geraagpleeg word. Let daarop dat Basiese Xhosa slegs op eerstejaarsvlak aangebied word.

Programsamestelling

• Inligtingsvaardighede 172
• Geografie en Omgewingstudie 112, 122, 142, 152
• Openbare en Ontwikkelingsbestuur 114, 144
• Sosiologie 114, 142 of 152 en 162

Plus twee van die volgende vakke:

• Afrikaans 178
• Basiese Xhosa 114, 144
• Ekonomie 178
• English Studies 111, 112, 122, 132, 141, 142, 152
• Geskiedenis 114, 144
• Inligtingkunde 114, 142, 152
• Politieke Filosofie 112, 122, 142, 152

• Geografie en Omgewingstudie 212, 222, 242, 252
• Openbare en Ontwikkelingsbestuur 212, 222, 242, 252
• Sosiologie 212, 222, 242, 262

• Plus voortgesette studie van een van die volgende vakke, met dien verstande dat Ekonomie 288 gevolg moet word indien Ekonomie 178 nie gevolg is nie:
  Ekonomie 288 of 214 en 244
  Geskiedenis 214, 244
  Inligtingkunde 278, 284
  Politieke Filosofie 212, 222, 242, 252

Kies twee en ’n halwe vakke uit die volgende:

• Geografie en Omgewingstudie 314, 324, 344, 354
• Openbare en Ontwikkelingsbestuur 314, 324, 344, 354
• Sosiologie 314, 324, 334, 354

[Die halwe vak wat gevolg word moet die vetgedrukte module as keusemodule insluit. Let daarop dat studie in ’n betrokke vakrigting op honneursvlak slegs moontlik is indien die vak as hoofvak (40 krediete) gevolg is en ’n gemiddelde persentasie van 60% in die betrokke hoofvak behaal is.]

Raadpleeg Jaarboek, Deel 10, vir die inhoude van standaardmodules van vakke wat deur die Fakulteit Ekonomiese en Bestuurswetenskappe aangebied word.

besoeke sedert 7 Oktober 1999