• Om studente voor te berei vir beroepe in die sosiale (d.w.s. sosio-ekonomiese, maatskaplike en politieke) sektore van die Suid-Afrikaanse arbeidsmark. Dit sluit in die openbare sektore soos die staatsdiens, staatskorporasies, sentrale, provinsiale en plaaslike owerhede; openbare en private media en kommunikasiesektore; en openbare en private sosiale navorsingsinstellings.
• Om die kompleksiteit van sosiale dinamika en die eise van volhoubaarheid te begryp.

• Volle matrikulasievrystelling
• Prestasie in Graad 12: 'n gemiddelde van 50%
• Indien Ekonomie as vak gevolg word: Wiskunde (SG) = 50% (D) of Wiskunde (HG) = 40% (E)

’n Lys van sosiaal-wetenskaplike vakke, wat tot die kern van die program behoort, verskyn in Groep A (sien skematiese voorstelling). Hieruit moet twee vakke gekies word en oor die drie jaar van studie gevolg word. Verder moet een taal uit Groep Tale gekies word en in die basisjaar aangebied word. Inligtingsvaardighede 172 is ’n verpligte vak wat ook in die basisjaar aangebied word. Benewens die bogenoemde, kan twee verdere vakke aangevul word uit Groep A en/of Groep B wat op die basis- en intermediêre vlak gevolg word. Op die gevorderde vlak word ook ’n samestelling van 24 krediete uit Groep C (Metawetenskap) gevolg.

Inhoude van standaardmodules, asook bepalings omtrent die volg van vakke, word weergegee in die departementele modulelys soos uiteengesit in Afdeling 6 van die Jaarboek (raadpleeg inhoudsopgawe vir bladsynommer). Raadpleeg ook Uiteensetting van modules aan die einde van die programinskrywing, soos uiteengesit in die Jaarboek (Deel 4), ten einde te bepaal watter modules gevolg moet word.