Kyk-weer na die transformasie van funksies

Gegee die grafiek van enige funksie f(x), trek die grafiek van g(x) = f(x – p) + q.

Ek vermoed jou huidige verstaan hiervan is moontlik instrumenteel (a la Skemp).

As jy geleer het f(x + p) skuif links en f(x – p) skuif regs, op grond van die bewerking, is dit myns insiens erg instrumenteel en boonop kontra-intuïtief. Dis ‘n strooiman wat in die plek van Wiskunde aangebied word asof dit die ware Wiskunde is!

Miskien kan dit help om te onthou, maar hoe help dit verstaan? Let op dat die vertikale reël net mooi andersom is: g(x) = f(x) + p skuif op, en f(x) – p skuif af ...
Miskien nie jy nie, maar baie kinders raak deurmekaar, skuif verkeerde kant toe ... en omdat hulle dit nie relasioneel verstaan nie, het hulle nie eens ’n manier om te toets of hulle reg of verkeerd is nie ...

Dieselfde geld vir die rek en krimp (skalering) van funksies ...

Werk deur hierdie aktiwiteite ... Kliek en sleep die punte! Probeer om uit die interaktiewe aktiwiteite ’n relasionele teorie van die ware Wiskunde te ontwikkel!

Skuif (translasie)	Skalering (rek en krimp)	Algemeen
Translasies van funksies (Excel)	Rek van funksies (Excel)	Pictures (Excel)
Translasies van funksies (Sketchpad*)	Rek van funksies (Sketchpad*)	New From Old (Sketchpad*)
Oefening

*IT blokkeer tans die *.gsp dokumente. Kyk in P://Translations.gsp, Scalings.gsp, NewFromOld.gsp

Handig drie kort paragrawe in:

1. Beskryf kortliks maar presies in woorde ’n metode om die grafiek van g(x) = f(x – p) + q af te lei vanaf die grafiek van f(x).

2. Reflekteer: Hoe hou dit verband met die foutiewe definisie van terme?

3. Het jy nou iets geleer? Beskryf jou persoonlike gevoelens/emosies oor jou verstaan hiervan op skool, en nou (indien verskillend).