Programme
Lesings word gewoonlik in Engels aangebied, maar voorsiening sal vir beide Afrikaans- en Engelssprekende studente gemaak word.

Aansoekprosedure
Die departement sosiologie sal die nodige toelatingsvorm aan studente voorsien wanneer dit versoek word. Die volgende dokumentasie moet u aansoek om toelating vergesel:

• aansoekfooi (kontak die kursuskoördineerder vir die korrekte bedrag)
• 'n kort CV
• 'n gesertifiseerde afskrif van u akademiese rekord en 'n gedragsertifikaat
• 'n gesertifiseerde afskrif van die hoogste graad of diploma verwerf.

Die sluitingsdatum vir aansoeke is 31 Oktober van die vorige jaar (datums vir aansoeke mag vir die verskillende programme variëer).

Name en besonderhede van kandidate wat vir 'n betrokke program aanvaar is, sal aan die universiteitsadministrasie voorsien word. 'n Toelatingsbrief word hierna aan studente uitgestuur met inligting oor die registrasieproses.

Registrasie prosedure
Voltooi die toepaslike registrasievorm, betaal die registrasie fooi en ten minste die eerste paaiement van klasgelde en in die gevalle van tweedejaar registrasies en daarna (studente moet jaarliks weer registreer) moet 'n voortsettingsfooi betaal word.

Doktorale kandidate
Die prosedure vir aansoeke vir doktorale grade verskil van die ander graadprogramme:

• Kandidate moet 'n voltooide aansoekvorm, die aansoekfooi, 'n kort CV en kwalifikasie sertifikate aan die departement sosiologie voorlê.
  
• 'n Afspraak moet met die relevante dosent(e) gemaak word om die onderwerp vir studie te bespreek (sien die personeel en navorsingsblad vir spesialiteitsareas). Hierna sal 'n komitee vergader om die onderwerp in terme van die spesialiteitsareas van die departement te evalueer.
  
• Na konsultasie met die aangewese promotor kan die kandidaat aan 'n navorsingsvoorstel begin werk.
  
• Nadat die navorsingsvoorstel deur die departement, fakulteitskomitee, raad en senaat aanvaar is, kan 'n kandidaat as DPhil student registreer.

Beurse en beurslenings
Die universiteit (Afdeling Navorsingsontwikkeling), Nasionale Navorsingstigting en ander instansies bied beurse vir nagraadse studente aan. Die departement het ook 'n beperkte aantal beurse vir verdienstelike kandidate. Kontak asseblief die programkoördineerder vir verdere inligting.

Aanvang van studie
Met die aanvang van studie sal die volgende inligting, afhangende van die graadprogram, aan studente voorsien word:

• kursusinligting, insluitende kursusfooie
  
• reis, losies en verblyf
  
• voorgeskrewe boeke
  
• beurse en lenings

Navrae
As u enige navrae het kontak asseblief die volgende persone:

Vir die programme: Honneurs, MA, DPhil (Sosiologie/Sosiale Antropologie/Ontwikkeling), MPhil (Gemeenskap en Ontwikkeling/Organisasies en Openbare kulture) kontak:

Cyrildine Fortuin
Kamer 423, LSW gebou
Departement Sosiologie en Sosiale Antropologie
Universiteit van Stellenbosch, Privaatsak X1,
Matieland 7602, Suid-Afrika

Tel: +27 (21) 808-2417; Faks: +27 (21) 808-2143; e-pos: cfortuin@sun.ac.za

Vir die programme: Nagraadse Diploma (Monitering en Evaluering), MPhil/DPhil (Sosiaalwetenskaplike metodes/Studie van wetenskap en tegnologie) kontak:

Marthie van Niekerk
Kamer 448, LSW gebou
SENWET
Universiteit van Stellenbosch, Privaatsak X1,
Matieland 7602, Suid-Afrika

Tel: +27 (21) 808-3708; Faks: +27 (21) 808-2023/2143; e-pos: mvn3@sun.ac.za